ವಿಚಾರವಾಹಿನಿ

  ಮಹಾಭಾರತದ ಸಾರ ಸಾರಿದ ಕೃಷ್ಣ, ಅದರೊಳಗೆ ಕಲಿಯುಗವ ವರ್ಣಿಸಿದ ಕೃಷ್ಣ; ಕಲಿಯುಗದ ಆಡಳಿತದಿ ರಜಸದ ತೃಷ್ಣ, ಆಸೆ–ದುರಾಸೆಗಳ, ಯಶ–ನಿರಾಶೆಗಳ ಧಾರಣ; ತಮಸ್ಸಿನ ದೇಹದ ಮೇಲೆ ರಂಗುರಂಗಿನ ಬಣ್ಣ, ಸ್ವಾರ್ಥ–ಮೋಹಗಳ, ಲೋಭ–ಕ್ರೋಧಗಳ ತೋರಣ; ಸಾತ್ವಿಕತೆಯ ಹರಿವು ತಲುಪುವುದು ಕ್ಷೀಣ, ಕಾಣಸಿಗದು ಸತ್ಯ, ನ್ಯಾಯ, ಧರ್ಮ, ಕರುಣ. ಮನುಷ್ಯನೊಳಗಿನ ಯುದ್ಧ: ಜಗತ್ತಿನ ಸಂಘರ್ಷಗಳ ಹಿಂದೆ ಇರುವ ಮೂರು ಗುಣಗಳ ಕಥೆ ಇಂದು ಜಗತ್ತಿನ ಎಲ್ಲೆಡೆ ಯುದ್ಧಗಳು, ಧಾರ್ಮಿಕ ಸಂಘರ್ಷಗಳು, ರಾಜಕೀಯ ದ್ವೇಷ, ಕುಟುಂಬಗಳ ಒಡೆತ, ವ್ಯಸನಗಳು, ಸ್ವಾರ್ಥ, ಹಣದ ಓಟ ಮತ್ತು ಮಾನಸಿಕ ಅಶಾಂತಿ ಹೆಚ್ಚುತ್ತಿರುವುದನ್ನು ನಾವು ಕಾಣುತ್ತಿದ್ದೇವೆ. ಸಾಮಾನ್ಯವಾಗಿ ನಾವು ಇವುಗಳಿಗೆ ಕಾರಣವಾಗಿ ಒಂದು ಜಾತಿ, ಒಂದು ಧರ್ಮ, ಒಂದು ದೇಶ, ಒಂದು ಪಕ್ಷ ಅಥವಾ ಒಂದು ಸಮುದಾಯವನ್ನು ಹುಡುಕುತ್ತೇವೆ. ಆದರೆ ಪ್ರಶ್ನೆ ಏನೆಂದರೆ, ಈ ಎಲ್ಲ ಸಮಸ್ಯೆಗಳ ಬೇರು ನಿಜವಾಗಿಯೂ ಹೊರಗಿದೆಯೇ? ಅಥವಾ ಮನುಷ್ಯನ ಒಳಗಿದೆಯೇ? ಭಾರತೀಯ ತತ್ವಶಾಸ್ತ್ರ ಸಾವಿರಾರು ವರ್ಷಗಳ ಹಿಂದೆ ಈ ಪ್ರಶ್ನೆಗೆ ಒಂದು ಉತ್ತರವನ್ನು ನೀಡಿದೆ. ಅದರ ಪ್ರಕಾರ ಜಗತ್ತಿನ ಎಲ್ಲಾ ಚಲನೆಗಳು ಮತ್ತು ಮಾನವ ನಡವಳಿಕೆಗಳು ಮೂರು ಮೂಲಭೂತ ಗುಣಗಳಿಂದ ಪ್ರಭಾವಿತವಾಗುತ್ತವೆ. ಅವುಗಳೇ ಸತ್ವ, ರಜಸ್ ಮತ್ತು ತಮಸ್. ಸತ್ವ ಎಂದರೆ ಜ್ಞಾನ, ವಿವೇಕ, ಕರುಣೆ, ಸತ್ಯ, ಶಾಂತಿ ಮತ್ತು ಸಮತೋಲನ. ರಜಸ್ ಎಂದರೆ ಆಸೆ, ಮಹತ್ವಾಕಾಂಕ್ಷೆ, ಕ್ರಿಯಾಶೀಲತೆ, ಸ್ಪರ್ಧೆ ...